الرئيسية
طبعا كلنا عارفين المثل ده
معاك قرش تساوى قرش ممعكش يبقي ماتساويش
طيب هو احنا فعلا قيمتنا بقت بالفلوس
معنى كده ان الانسان الفقير ماديا مالوش قيمة
والانسان الغنى هو اللى ليه قيمة ومكانة كبيرة وسط الناس ونعامله باحترام عشان
جيبه مليان
ومعنى كده بردو ان الاخلاق مالهاش لازمة في حياتنا
هتقولولى ازاى الكلام ده انتى بتقولى ايه
هقولكو يعنى مثلا لما واحد يجى يتقدم لبنت لو حالته المادية مش اد كده هيترفض
لازم يكون مرتاح ماديا عشان يتوافق عليه
طب ياترى الاهل هنا بصو للأخلاق؟؟
لا هما بصو لشغله وبيقبض كام وهيجيب عفش للشقة بكام و000000
وبالتالى فقيمتك و علمك وتفكيرك كله في النهاية بيعتمد علي حالتك المادية
ليه مابنفكرش ان الفلوس مجرد وسيلة لكنها مش غاية
وان الفلوس مش كل حاجة
ومش كل حاجة نقدر نشتريها بفلوسنا
المحبة والاخلاص والصفات الجميلة دى عمرها ماتتقدر بمال
لكن في الزمن ده الحياة اتحولت الى سوق كبير
واحنا بقينا فيه سلع مجرده من القيم
سؤالى هو
هل تقييم الناس اصبح بما يملكون؟
ماهو دور المال بحياتك؟ والى اى مدى يتحكم بمصيرها؟
bola
